Wenger: Nuk ishim të saktë
Menaxheri i Arsenalit, Arsene Wenger, ka mbrojtur lojtarët e tij pas eliminim nga Capital One Cup në penalti nga skuadra e League Two (divizioni i katërt anglez), Bradford City.Topçinjtë barazuan 1-1 në kohën e rregullt të takimit, dhe më pas u mposhtën 3-2 në penalti, pasi tre lojtarë kryesor humbën goditjet nga pika e bardhë.
“Më duhet ta uroj Bradford, ata bënë një fillim të mirë dhe pastaj u mbrojtën mirë. Ajo çfarë ndodhi, ndodhi me goditjen e penaltive. Ne kishim shumë shanse, portieri kishte një ndeshje të mirë dhe ne nuk mund t’i shndërronim në gola”.
“Nuk kishte mungesë kualiteti, ne nuk i konvertuam në gola shanset tona për arsye të ndryshme. Ishte një ndeshje e vërtetë e kupës”, ka thënë Wenger për Sky Sports. /Telegrafi/
