Wenger: Nuk ishte penallti
Menaxheri i Arsenalit, Arsene Wenger, ka shprehur pakënaqësinë e tij me vendimin e gjyqtarit për të akorduar penallti për Chelsean, që sipas tij ishte inekzistente.Gjyqtari Martin Atkinson bëri me gisht kah pika e bardhë pas ndërhyrjes së Wojciech Szczesnyt në Ramiresin, që nga reprizat u duk sikur Ramires me qëllim shkoi drejt këmbës së tij që të merrte në thua.
“Nuk mendoj se ishte penallti e pastër, mendoj se nuk ishte fare penallti. Gjyqtari ka mundur ta ndëshkojë Ramiresin me karton të verdhë”.
“Nuk e pashë mirë nga pankina, por mua më thanë njerëzit që e kanë parë reprizën në televizion se nuk ishte penallti”, ka thënë Wenger pas ndeshjes. /Telegrafi/
