Wenger: Unë e kam bërë Arsenalin të kompletuar
Menaxheri i Arsenalit, Arsene Wenger, pranon se nuk është i kënaqur me sukseset e skuadrës në vitet e fundit, mirëpo nuk i pranon kritikat që i janë drejtuar atij.“Unë nuk jam asnjëherë i kënaqur. Përpiqem të bëj më të mirën dhe dua që kur të largohem të besoj se e kam bërë atë”.
“Kam qenë në shënjestër të kritikave në shtatë vitet e fundit. Mirëpo, mendoj se si trajner ka qenë shumë më vështirë në vitet e mia të para këtu”.
“Ajo që unë besoj është se klubi është zhvilluar që nga arritja ime. Nëse bëni krahasimin me klubin që është tash dhe që ka qenë, mund ta kuptoni”.
“Kur kam ardhur unë, klubi ishte në Highbury, pa fushë stërvitore dhe me vetëm 80 të punësuar. Sot ne kemi rreth 500 të punësuar, luajmë në një stadium të shkëlqyer dhe kemi një qendër të madhe stërvitore”.
“Dhe jemi një klubi njohur botërisht. Kemi qenë vazhdimisht në nivel të lartë”, ka qartësuar francezi për The Mirror. /Telegrafi/
