Wenger: Walcott i ka borxh klubit
Menaxheri i Arsenalit, Arsene Wenger, ka thënë se anësori Theo Walcott, i ka borxh Arsenalit dhe këtë duhet ta shpaguaj me rinovim të kontratës. “Ajo që të rinjt duhet të mbajnë mend është se unë luajta me ta në moshën e hershme dhe kam besuar kur ata ishin fëmijë. Është e lehtë që ta marrësh një lojtar në moshën 25 vjeçare, pasi e di se çfarë produkti po merr”.
“Nëse i fusni në lojë në moshën 17 apo 18 vjeçare, ju jeni në rrezik të madh që të humbisni ndeshjet dhe punën tuaj. Ata duhet që dikur t’ia kthejnë besimin klubit. Kur lojtari i bën 30 vjet dhe është fundi i kontratës, ju e kuptoni dhe e lejoni të largohet pasi ai dëshiron një ndryshim. Kjo është moshë më e ndjeshme, por është sërish kthim i borxhit për politikën tonë”, ka thënë francezi.
Theo Walcott është në vitin e fundit të kontratës dhe besohet se do të largohet nga Arsenali, pasi ka shumë oferta nga klubet më të mëdha angleze. /Telegrafi/
