Xavi shënjestron finalen e Kupës dhe progresin në LK

17:21 / 19.02.2013

Mesfushori i Barcelonës, Xavi Hernandez, ka shënjestruar finalen e Kupës së Mbretit dhe kualifikimin në çerekfinale të Ligës së Kampionëve.

Blaugranët luajtën me rezultat 1-1 kundër Real Madridit në ndeshjen e parë gjysmëfinale të Copa del Rey, ndërsa të mërkurën mbrëma në San Siro zhvillojnë takimin e parë të 1/8 së finales të Ligës së Kampionëve kundër Milanit.

“Brenda pak ditësh luajmë në Ligën e Kampionëve dhe në Kupën e Mbretit”.

“Do të jenë shtatë ose tetë ndeshje të vështira dhe ne kemi shpresa të mëdha që të arrijmë sukses dhe të kualifikohemi në finale të Kupës dhe të sigurojmë progresin në Ligën e Kampionëve”, ka deklaruar mjeshtri spanjoll. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.