Xhemaili mendon të largohet nga Napoli

12:05 / 4.01.2013

Mesfushori shqiptar Blerim Xhemaili duket se ka filluar të mendojë për largim nga Napoli, pasi që nuk po e gjen hapësirën e duhur për të luajtur.

Sipas medieve zvicerane, respektivisht portalit Ticino Online, mesfushori shqiptar u ka kërkuar drejtuesve të klubit italian që ta shesin gjatë afatit kalimtar të janarit, pasi që nuk është i kënaqur për faktin se nuk po gjen hapësira në ekipin nga San Paolo.

Mediat italiane shkruajnë se për përfaqësuesin zviceran një rikthim në Torino nuk do të ishte i keq, ndërsa aty do ta gjente edhe bashkëkombësin Migjen Basha.

Me arritjen e Valon Behramit në Napoli, Xhemaili pothuajse tërë sezonin qëndroi në bankën rezervë sepse trajneri i besoi më shumë mesfushorit tjetër shqiptar./Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.