Zanetti i tha Balotellit të ketë kujdes

0:17 / 25.02.2013

Legjenda e Interit, Javier Zanetti, në një moment gjatë ndeshjes ndaj Milanit është parë duke u përplasur verbalisht me ish-sulmuesin e Interit, Mario Balotelli dhe mediat italiane kanë zbuluar fjalët që i ka thënë ‘Il Capitano’.

 Pas një ndërhyrje të palejuar, Balotelli është parë duke provokuar tifozët e Interit, të cilët gjatë gjithë ndeshjes e kanë vërshëllyer.

Këtë gjest të Balotellit nuk e priti mirë Zanetti, që i tha të mos provokonte, por Balotelli besohet t’ia ketë kthyer edhe një herë fjalën Zanettit, për ta bërë këtë të fundit tejet nervoz.

Zanetti, i cili njihet si lojtar që nuk bëhet nervoz lehtë, e kapi në dorë Balotellin duke i kërkuar të ketë kujdes, pasi me provokimet nxiten tifozët dhe se ishin ata që më parë e kanë dashur.

SuperMario pas fjalëve të Zanettit u qetësua dhe i kërkoi falje, teksa ndeshja vazhdoi drejt një përfundimi me rezultat të barabartë 1-1. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.