Zenit ofron 10 milion për Abaten

16:06 / 5.01.2013

Sipas zërave të fundit nga Italia, ekipi i Luciano Spalletit, Zenit St. Petersburg, ka bërë një ofertë prej 10 milionë euro në drejtim të Milanit për Ignazio Abaten.

Sipas Gazzeta dello Sport, Zeniti ka bërë një ofertë prej 10 milionë eurosh për ta marrë Abaten gjatë afatit kalimtar të janarit.

Mendohet se Milani po shpreson ta shesë Abaten në mënyrë që t’i mbledhë 35 milionë për ta blerë Mario Balotellin nga Manchester City. Milani deri tani e ka shitur Paton për 15 milion euro, ndërsa Robinho i ka ditët e numëruara në klub sepse negociatat me Santosin gati sa nuk kanë përfunduar.

Një lajm tjetër nga Corriere dello Sport, thotë se Rossonerët po e vëzhgojnë me kujdes sulmuesin rezervë të Juventusit, Alessandro Matrin. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.