Zubizarreta: Ishte penalti e pastër
Drejtori sportiv i Barcelonës, Andoni Zubizarreta, ka thënë se gjyqtari duhej të referonte penalti për katalunasit në momentet e fundit të ndeshjes kur Adriano u rrëzua në zonë.“Pamjet janë shumë të qarta për incidentin, ishte penalti e pastër në Adrianon”.
“Ndeshja duhet të kishte përfunduar me barazim. Ishte një ‘el Classico’ tipike me lojë shumë të tensionuar. Tani duhet të rikuperohemi nga ky rezultat për ndeshjen e ardhshme ndaj Deportivos”.
“Ende jemi shumë pikë përpara vendit të dytë dhe po punojmë çdo ditë që ta përmirësojmë lojën tonë. Duhet të luftojmë gjithnjë, sa më shpejt ta fitojmë ligën, aq më mirë”, ka thënë Zubizarreta. /Telegrafi/
