LAJMI I FUNDIT:

Stojanoviq kundër Qeverisë për “Trepçën” në Bruksel (Video)

Stojanoviq kundër Qeverisë për “Trepçën” në Bruksel (Video)
-->

Për kryeministrin e Kosovës, Isa Mustafa e kryetarin e Kuvendit, Kadri Veseli puna e “Trepçës” është e kryer, andaj për ta nuk ka asnjë mënyrë që për të të dialogohet me Serbinë.

Derisa kryeministri Mustafa është i bindur se kjo është punë që kryhet vetëm në Kosovë, zëvëndësi i tij, Branimir Stojanoviq ka shkuar në Bruksel, njofton Klan Kosova.

Stojanoviq, të mërkurën i vetëm e të enjten bashkë me ministrat tjerë nga ekzekutivi në Prishtinë si dhe Marko Gjuriqin, ka mbajtur takime me zyrtarë të lartë evropian në Bruksel, pikërisht për ligjin e “Trepçës” që Lista Serbe e kundërshton fort.

Këtë vizitë kundërthënëse të qeveritarëve serbë të Kosovës, vartësit e kryeministrit Isa Mustafa, nuk e kanë komentuar.