Nuk i mungon guximi, as ambicia dhe as bukuria. Shumëkush do t’i përdorte këto si armë për të arritur gjithçka në karrierë, ndërsa Dafina Rexhepi i është dhënë fort këngës për të arritur aty ku do.
Lidhjen me skenën e ka të fortë, pasi emocionet i ka larguar që nga fëmijëria. Si një zotëruese e mirë e skenës, ajo ja di hilet, di se si të injektojë tek publiku adrenalinë dhe gjithmonë e ka realizuar. Sharmi, linjat e trupit i kanë ngjitur epitetin seksi, por në ndryshim nga shumë këngëtare të tjera, s’është pikërisht ky çelësi i suksesit të Dafinës.
Intervistoi: Gazmend Kajtazi
Dafina, fituat famë me hitin “Delicious” në bashkëpunim me reperin Mc Kresha. Brenda pak kohësh, jeni shndërruar në ikonat e reja të muzikës moderne shqiptare? Çfarë keni bërë gjatë gjithë kësaj kohe?
Kam punuar shumë në këngët e mija, jam munduar që me shumë angazhime e punë të palodhshme të jem këtu ku jam sot.
Zëri apo emocioni që përcjell, është më i rëndësishëm për t i dhënë maksimumin një kënge?
Unë nuk do t’i ndaja. Mendoj që të dyja në një përputhshmëri e japin cilësinë e këngës e cila bëhet hit.
Dafina që të bësh art sot, e ke ndjerë se duhet edhe një dorë e mirë parash?
Po, në çdo profesion që ka të bëjë me muzikën, aktrimin, artin në përgjithësi, duhet të shpenzohet mjaft, por edhe punë të palodhshme, por duhet të kesh edhe një plan se si t’i fitosh ato.
Mendon se një këngëtare duhet të jetë patjetër sensuale në skenë?
Në radhë të parë, një këngëtare duhet të ketë patjetër stil dhe vokal të mirë. Një këngëtare mendoj që duhet të jetë e thjeshtë në komunikim me fansat, por patjetër e përgatitur që të dallohet në skenë nga të tjerët, pasi që këngëtarja është epiqendër.
Si ndihesh kur këndon; euforike, apo je më shumë në ankth?
Është një ndërthurje emocionesh që më elektrizon. Ndjehem tepër mirë pasi qysh si fëmijë, gjithmonë këndoj në shtëpi, në teatër, në shkollë vallëzimi, në orët e këndimit…
Po si këngëtare, si do ta përcaktoje vetveten?
Këngëtare me karakter të veçantë si në veshje, punë apo në sjellje.
Po përveç muzikës së zhanrit tënd ç’lloj muzike të pëlqen tjetër?
Kam kënduar vetë musical dhe soul apo jazz që i pëlqej shumë, por dëgjoj edhe balada, Hiphop.
Në skenë anoni më shumë nga ekstravaganca. Mendoni se kjo është dhe karemi juaj që tërhiqni më shumë fansat?
Po, gjithmonë dua të dukem ekstravagante, por jo të zhvishem pa nevojë dhe besoj që kjo ka ndikuar që fansat të jenë të kënaqur me mua.
Sa e aftë është Dafina për të përballuar sfidat?
Kam përkrahje shumë nga familja dhe njerëzit përreth që më bëjnë të ndjehem mirë dhe i përballoj të gjitha pa ndonjë problem.
Artistët dhe super starët e botës shpeshherë elektrizojnë publikun duke u zhveshur në skenë. Ju mendoni për surpriza të tilla?
Po secili artist ka mënyrat e veta, unë mendoj për tregun kosovar nuk arsyetohet zhveshja, pasi që edhe nuk e kam moshën, as karakterin. Unë i vlerësoj më shumë vokalin dhe performancën e mirë me vallëzime sesa zhveshjet dhe provokimet në skenë.
Ndërkohë që ti komentohesh si një vajzë e bukur dhe me sharmë në skenë. Një vajzë e bukur duhet të ndihet me fat apo jo në ditët e sotme?
Bukuria është një plus në çdo kohë, por e përkohshme dhe jo më e rëndësishme dhe mbivlerësuar sesa një zë i bukur.
A ka trokitur ndokush në portën e zemrës tuaj?
(Qesh) U mbyll porta.
Ç’është dashuria për Dafinën?
Dashuria për mua është fjalë shumë e madhe pasi që jam një person me një zemër të madhe dhe gjithmonë i dua njerëzit që më ndihmojnë dhe janë pranë meje.
Mendoni se ekziston dashuria e përjetshme?
Po, besoj se po..
Ka përparësi zemra apo mendja në vendimet e tua?
Në profesionin tim duhet të mendosh shumë para se të veprosh, kështu që vendimet i marr sipas mendjes, kurse në jetën private ka përparësi zemra.
I beson intuitës?
Po.
Po miqve?
U besoj miqve të ngushtë me të cilët jam rritur, kurse tek të tjerët nuk kam edhe aq besim.
Çfarë pëlqejnë miqtë e tu tek ti?
Personalitetin, besnikërinë, jam gjithmonë ‘happy’, shumë e lirë, e thjeshtë…
Çfarë vendesh frekuenton më shpesh?
Vendet e qeta me muzikë të lehtë dhe ushqim të mirë. /Telegrafi/
Lufta Prigozhin - Putin
Më shumëNga Rubrika
Shkurta Haxhiu: Asgjë nuk mund ta evitojë atë që fati të ka përcaktuar
Atdhe Hykolli, kryetar i BSPK-së: Intervistë me shkas e me shkak
Shkencëtarja Dr. Lumnije Kqiku-Biblekaj për çmimin “Personalitet nderi me medalje të artë” në Graz: Shkencën dhe mjekësinë i ndjej në shpirt
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Përfundon takimi në Bruksel, Bislimi: Serbia kërkon që strukturat ilegale të financohen deri në krijimin e Asociacionit
"Ai tha se na gënjeu", Toni Kroos zbulon fjalët Carlo Ancelottit përpara El Clasicos
Luka Modric bleu një apartament luksoz në Zagreb - aty ku pritet të kthehet për të jetuar
Perez po e bën atë që askush nuk e ka bërë deri më tani – krijon "një strukturë të re të pronësisë" të Real Madridit
A e ka fituar Ukraina fuqinë për të degraduar forcat ruse me raketat e reja amerikane?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën