Acer Revo RL70
Acer paraqiti nettopin e ri nga linja e produkteve Revo, pajisja ka emërtimin Revo RL70. Kompjuteri për nga dizajni është i ngjashëm me versionet e mëparshme, derisa dimensionet kompakte dhe hardueri i përdorur janë të përshtatshëm për përdorimin e nettopit si HTPC ose si kompjuter multimedial shtëpiak që nuk ka kërkesa të larta. Bazën harduerike e përben APU-ja dybërthamësh E-450 i AMD-së me takt pune prej 1.65 GHz dhe me bërthamën e integruar grafike Radeon HD 6320, ndërsa janë përdorur edhe 2 GB të memories punuese dhe disku prej 500-gigabajt. Për sa i përket konektivitetit, Revo RL70 ka krejtësisht gjashtë konektorë USB 2.0, Ethernetin gigabitësh dhe kartelën e rrjetës pa tela, video daljet VGA dhe HDMI si dhe audio daljen optike S/PDIF, derisa në pjesën e përparme të pajisjes ndodhen audio konektorët standard për mikrofon dhe dëgjueset si dhe lexuesi i kartelave të memories.
Acer kompjuterin e dërgon me versionin 64-bitësh të Windows 7 Home Premium, ndërsa çmimi i tij është 330 dollarë. /Telegrafi/
