Android, tani në 75 për qind të telefonave të mençur!

19:25 / 2.01.2013

Android është bërë mbret i tregut. Softueri i hapur i Google në fund të vitit 2012 ishte në 75 për qind të telefonave të mençur, thuhet sipas raporteve të tregut mobil.

Përqindja e sivjetmë e Google Android është rritur për 91 për qind krahasuar me periudhën e njëjtë të vitit të kaluar, raporton gazeta San Francisco Chronicle.

Për periudhën e njëjtë kur janë bërë matjet e tregut, sistemi operativ i Apple ka qenë në 15 për qind të modeleve të ndryshëm të telefonave, të gjithë modeleve të iPhone kuptohet.  

Në vitin 2005, kur Google kishte blerë sistemin operativ Android, kompania donte të sigurohej se të gjithë ata që përdorin një telefon të mençur do të përdorin edhe shërbimet e saj, si: Google Maps, YouTube, Gmail dhe të tjerat. 

Çdo prodhues i telefonave të mençur mobil mund ta ngarkojë sistemin operativ Android në telefonat e tij, pa paguar asgjë. Dhe çdo konsumator mund ta shkarkojë atë falas, gjithashtu. 

Android jepet falas në këmbim të reklamave të Google të cilat shfaqen në ekranin e një përdoruesi, i cili, telefonin mobil e ka të bazuar në këtë sistem operativ. / Telegrafi / 

 

 

 

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.