Aplikacionet mobile me rezultate jo të sakta ndaj sëmundjeve
“Aplikacionet mobile qe ndjekin pjesët e lënduara të lëkurës mund të ndikojnë si ndihmesë për t’i bërë pacientët më të vëmendshëm për shëndetin e tyre si dhe të përmirësojnë komunikmin me doktorët” ka thënë dermatologjistja Laura Ferris.
Por, sipas saj: “është e rëndësishme që përdoruesit e këtyre aplikacioneve të mos lejojnë zëvendësimin e aplikacioneve me këshillat mjekësore apo me diagnozën mjekësore”.
Me rritjen e përdorimit të telefonave të mençur, janë rritur edhe përmasat e përdorimit të aplikacioneve të tyre. Aplikacionet mobile kanë zënë vend më të gjerë se komunikimi apo argëtimi, duke prekur çdo sferë të jetës që bëjmë, duke përfshirë edhe sigurimin shëndetësor.
Një studim i bërë me dy platformat më të mëdha të telefonave të mençur ka zbuluar se aplikacionet me qëllim mjekësor ndihmojnë përdoruesit me anë të imazheve digjitale të analizojnë nësë kanë ose jo, lëndime të lëkurës.
Aplikacionet e tilla zakonisht janë pa pagesë por ka edhe disa të tillë të cilët kanë një çmim të caktuar. Edhepse mjetet e tilla thuhet se japin informacione me qëllim edukativ, ekspertët thonë se ekziston rreziku i besueshmërisë së tyre duke shtyrë pacientët të mos kërkojnë ndihmë profesionale.
“Teknologjitë që ulin shkallën e mortalitetit duke përmirësuar njohjen e sëmundjes në faza të hershme janë të mirëseardhura për dermatologjinë. Por, duhet të sigurohemi që pacientët nuk lëndohen nga këto mjete për shkak të rezultateve jo të sakta.” ka shtuar ekspretja e dermatologjisë nga Universiteti i Pittsburgh, Laura Ferris
