Apple me televizorin iTV, në 2014?

10:37 / 17.08.2013

Thashethemet të cilat thonë se Apple do ta lëshojë televizorin e saj në treg, iTV, nuk janë ndalur asnjëherë.

Tani, është Economic Daily News nga Tajvani gazeta e cila thotë se tri kompanitë e mëdha, si Apple, Foxconn dhe Corning janë duke u përgatitur seriozisht për krijimin e televizorit “plotësisht të rrafshët”, i cili në treg do të paraqitet në vitin 2014.

Burimet e gazetës thonë se Apple është duke testuar dy modele të ndryshme të televizorëve, njërin me diagonale të ekranit me 55 inç dhe tjetrin me 60 inç.

Megjithatë, duke e ditur se lajme të ngjashme kemi pasur edhe në të kaluarën, dhe në anën tjetër ende nuk e kemi parë televizorin e Apple, është vështirë të besohet se iTV do ta “godasë” tregun global së shpejti. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.