BlueStacks me aplikacionet e Android vjen edhe për Mac

11:57 / 5.01.2013

Lëshuesi i aplikacioneve BlueStacks Android App Player i cili mundëson përdorimin e aplikacioneve të sistemit operativ Android edhe në platformat tjera, si për shembull në Windows, sot ka njoftuar se ka lëshuar versionin beta të softuerit të saj edhe për kompjuterët Mac të kompanisë Apple.

Arritja e BlueStacks Android App Player edhe për Mac do tu mundësojë përdoruesve të qasen dhe t’i përdorin ndonjërin prej 750.000 aplikacionet e platformës Android në kompjuterët e Apple të cilët bazohen në sistemin operativ OS – X. 

Versioni beta i App Player për Mac lejon përdorimin e secilit aplikacion të Android përmes teknologjisë dhe patentës së saj të njohur si Layercake. 

Lansimi i BlueStacks App Player ishte bërë fillimisht gjatë muajit mars 2012, dhe vetëm 10 ditë pas paraqitjes në treg ka arritur në dhjetëra miliona shkarkime nga përdoruesit. / Telegrafi / 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.