Çasja në Facebook, së shpejti përmes gjurmëve të gishtërinjëve

15:02 / 17.11.2012

Gjurmët tuaja të gishtërinjëve janë të veçanta prej secilit person tjetër në planet. Kjo është arsyeja kryesore pse ato përdorën në zbulimet e krimeve apo në sistemet biometrike për pagesa të ndryshme.

Mirëpo, kjo teknologji ka gjetur zbatim edhe diku tjetër. Një hotel po përdor teknologjinë e njejtë për t’i mundësuar përdoruesve të vet të kyçen automatikisht në profilet e tyre të Facebook.

Kompania  e cila është pronare e hotelit dëshiron të instaloj teknologjinë e ekraneve të ndjeshme në prekje nëpër hotel, ku përdoruesit e Facebook do të prezentohen me një numër opsionesh që do të paraqiten në profilet e tyre.

Mysafirët e hotelit do të mund t’i çasen llogarive të tyre në mënyrë të shpejtë, vetëm duke vendosur gishtin në sensorin biometrik.

Ky shërbim është i dobishëm për hotelin dhe shumë i përshtatshëm për kilentët e tij.

Pasi të jeni çasur në llogarinë tuaj, ju mund të shkrepni një foto, të rifreskoni vend-ndodhjen tuaj apo te flisni për ngjarjen në hotel që po merrni pjesë për momentin.

Sistemi i ri pritet të lansohet vitin që po vjen. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.