Facebook përmirëson Messenger për iOS 6

Messenger, kompania e aplikacionit të chat-it, ka përmirësuar ndërfaqen e përdoruesve, ka rritur shpejtësinë e  shërbimit si dhe ka përshtatur programin për ekranin më të madh të iPhone 5.

Përmirësimi vjen vetëm një javë pasi Facebook kishte bërë përmirësimin e këtij programi për Android. Pamja e bisedës, tani përdor kornizat e njejta të stilit ‘bubble’ që i ngjajnë atyre të iMessage të Apple.

Gjithashtu, shërbimi tani mundëson pamjen e gjithë shokëve online me vetëm një prekje në të majtë. Prej aty, mundeni lehtësisht të selektoni shokët apo shoqet me të cilët flisni më shumë dhe të krijoni një listë të veçantë. /Telegrafi/