Facebook, sa më shumë miq, aq më shumë probleme!
Përdorimi i Facebook mund t’i bëjë njerëzit të ndjehen më të sigurt në vetvete, por një studim nga Universiteti i Edinburgut tregon se kjo gjë mund të çojë gjithashtu në nivele më të larta të stresit, kur përdoruesit shtojnë më shumë njerëz si miq të tyre në këtë rrjet social.Sa më shumë që një përdorues shton njerëz në rrethin shoqëror – si, miq, të afërm, bashkë-punëtorë, shokë të klasës – aq më shumë ka gjasa që i njëjti të vihet në siklet.
Studimi ka analizuar ndjenjat e më shumë se 300 përdoruesve të Facebook, me një moshë mesatare prej 21 vjeç. Studiuesit gjetën se pothuajse 55 për qind e prindërve ndjekin fëmijët e tyre në Facebook. Përveç kësaj, më shumë se gjysma e punëdhënësve thonë se nuk e kanë punësuar dikë bazuar në përmbajtjen e postuar në Facebook.
Kur përdoruesit postojnë përmbajtje ajo mund të jetë e pranueshme për një rreth shoqëror, por jo për një tjetër (për shembull, miqtë e shkollës mund të pëlqejnë një foto nga një aheng i çmendur në të cilin ju keni qenë, mos prisni që edhe prindërit tuaj ose punëdhënësit të ndjejnë të njëjtën gjë), dhe ky fakt ngre nivelin e stresit, pasi që njerëzit përpiqen të paraqesin një personalitet të pëlqyeshëm për të gjithë miqtë dhe lidhjet e tyre në Facebook.
