Google bëhet gati për Nexus 5?

12:16 / 15.01.2013

Telefoni i mençur i Google, Nexus 4 është bërë jashtëzakonisht i famshëm, duke bërë që prodhuesi LG të mos ketë mundësi t’i përgjigjet kërkesës së tregut, pasi që për një kohë të gjatë thuhet se kompanitë janë jashtë stokut për pajisjen.

Tani, sipas disa thashethemeve thuhet se Google dhe LG janë duke bërë gati gjeneratën e dytë të telefonit Nexus, i cili mund të vijë në treg me emrin Nexus 5. 

Në panairin e CES, LG ka thënë se është duke e bërë gati për lansim edhe një pajisje tjetër të cilën do ta prodhojë së bashku me Google, dhe se e njëjta mund të jetë prezente në treg gjatë muajit të ardhshëm. 

Mirëpo, se a do të jetë Nexus 5 ende mbetet të shihet. Google Nexus 4 kishte debutuar në tetor të vitit të kaluar, dhe ende është duke u shitur përmes Google Play, ndërsa së fundmi edhe disa operatorë janë duke e shitur pajisjen përmes rrjetit të tyre. / Telegrafi / 

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.