Google dhe Asus bëhen gati për modelin e ri të Nexus 7

17:13 / 29.01.2013

Google dhe Asus janë duke u përgatitur të lansojnë modelin e ri të tabletit Google Nexus 7 në konferencën e zhvilluesve I/O e cila mbahet në Maj, dhe sipas planit të Google, pritet që 10 milionë njësi të këtij tableti të shiten gjatë vitit.

Duke u bazuar në disa burime të cilat citojnë inxhinierët e Google dhe Asus, thuhet se çmimi i tabletit do të jetë i ngjashëm me versionin paraprak, prej 199 deri në 249 dollarë, ndërsa dallimi në versionin e ri do të jenë karakteristikat e reja dhe përditësimet në harduer.

Versioni i ri i Nexus 7 thuhet se do të ketë ndërfaqe Full HD me rezolucion prej 1920 x 1080 pikselëve si dhe dizajn më të hollë se sa versioni paraprak i Nexus. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.