Google dhe Samsung sjellin Nexus 10 inç?
Duket sikur Google dhe Samsung mund të kenë filluar punën drejt prodhimit të një tableti të ri Nexus. Pajisja thuhet të ketë ekran prej 10.1 inç. Sipas Cnet, të cilët kanë marrur disa informata prej Richard Shim nga NDP Display Research, Google Nexus tablet do të ketë rezolucion më të madh se iPad i ardhshëm i Apple.
Sipas thashethemeve, thuhet se pajisja Nexus do të ketë ekran me rezolucion 2,560x1600 me 229 ppi dhe pritet që pajisja e re të ketë çmim më të lartë se Nexus 7, kësaj here më afër çmimeve të iPad të Apple.
Nuk ka detaje rreth datave të lansimit nga dy kompanitë të produktit 10 inçësh, i cili mund të thirret Nexus 10. /Telegrafi/
