Google krijon aplikacion të kërkimit për Windows 8
Me afrimin e datës së lansimit të Microsoft Windows 8 që do të bëhet të premten, Google është përgatitur për lansimin e sistemit operativ duke lëshuar një aplikacion kërkimi të ri Google të dizajnuar veçanërisht për përdorimi në Microsoft Windows 8. Aplikacioni i kërkimit nga Google u lejon përdoruesve të shtypin fjalët kërkuese direkt nga desktop-i i pajisjes së tyre Windows 8. Poashtu, ky aplikacion mundëson kërkimin me zë përmes mikrofonit dhe marrjen e menjëhershme të përgjigjeve.
“Informacioni është nën gishtin tuaj. Një mënyrë e njohur, e shpejtë dhe precize për të gjetur përgjigjet në pajisjet tuaja Windows 8”.
Aplikacioni i Google për Windows 8 tani është i gatshëm për shkarkim pa pagesë në dyqanin online të Microsoft Windows. /Telegrafi/
