Google me faqe të re për zhvilluesit e Android
Konferenca e zhvilluesve të Google I/O do të mbahet gjatë javës së ardhshme, nga 27 deri më 29 qershor, ndërsa për këtë arsye Google ka vendosur që tu ofrojë zhvilluesve të aplikacioneve në Android një faqe të re, para fillimit të konferencës së saj të rëndësishme.“Çdo vit, Google I/O fillon me shumë fokus në faqen e zhvilluesve të Android, dhe këtë vit ne kemi shfrytëzuar rastin të freskojmë faqen developer.android.com, e cila është më e thjeshtë, dhe ofron një përvojë unike gjatë shfletimit” ka thënë Google në njoftimin e saj zyrtar.
“Si zhvillues, detyra jonë është të ofrojmë tri karakteristika: dizajnin, zhvillimin dhe shpërndarjen, dhe për këtë arsye developer.android.com vjen e ri-strukturuar, dhe e njëjta synon të reflektojë në tri shtyllat e cekura më lart” thuhet më tej në njoftimin e kompanisë Google për faqen e re të zhvilluesve të saj të platformës Android. / Telegrafi /
