Google Now tani edhe në desktop?

11:38 / 23.04.2013

Asistenti personal i Google, i cili është cilësuar si shumë inteligjent dhe për këtë është shpërblyer, shërbimi Google Now me sa duket është nisur edhe për kompjuterët tanë personal.

Blogu jo-zyrtar i kompanisë Google Operating System së fundmi ka njoftuar se shërbimi i njohur i Google është duke u bërë gati për lansim në kompjuterët desktop.

Aktualisht, Google Now është në dispozicion për platformën Android, përkatësisht versionet mbi 4.1, ndërsa së shpejti është duke u bërë gati të vijë edhe për Chrome dhe Apple iOS.

Sipas njoftimeve të blogut, Now do ti ketë shërbimet dhe funksionet e njëjta sikurse në Android. Si për shembull motin, lokacionin e përdoruesit, kushtet e trafikut etj. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.