Google synon tregun global mobil me “X Phone”

19:41 / 22.12.2012

Google është duke punuar me prodhuesin amerikan të telefonave, kompaninë Motorola, të cilën e ka blerë së fundmi për 12.5 miliardë dollarë, në krijimin e një modeli të ri të telefonit të mençur, të cilin e ka koduar me emrin “X Phone”, thuhet sipas Wall Street Journal.

Sipas raportit të WSJ, thuhet se përmes “X Phone” Google synon që të marrë pjesë të rëndësishme të tregut i cili momentalisht dominohet nga Apple dhe Samsung.

Motorola ka në plan që në “X Phone” të përfshijë edhe softuerin Viewdle, i cili është i ndjeshëm në gjeste dhe fotografi.

Burimet e gazetës thonë se paraqitja e “X Phone” në treg do të ndodhë gjatë vitit të ardhshëm, duke e cituar një person i cili është i afërt me çështjen.

Larry Page është zotuar që të jap shumë buxhet në investimet që duhet bërë për promovimin e “X Phone”. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.