Google Wallet vjen në Nexus 7
Google ka njoftuar se së shpejti do të lëshojë edhe një azhurnim të softuerit për tabletin e saj tashmë të famshëm, Nexus 7, përkatësisht shërbimin e pagesave mobile, të njohur si Google Wallet. Ky shërbim do tu mundësojë përdoruesve të rinj të tabletit Google Nexus 7 të paguajnë për produktet dhe shërbimet e tyre njësoj sikurse me telefonat e tyre Android.
“Ne kemi kënaqësinë të ju njoftojmë se shërbimi i pagesave të Google është duke u përgatitur për tabletin tuaj, Nexus 7, i cili do të vijë përmes aplikacionit përkatës. Tani, nëse e keni tabletin me vete, ju do të mund të shtypni “paguaj” dhe ta ruani komandën për pagesë edhe nëpërmjet Nexus 7” thuhet në njoftimin e Google.
Integrimi i Google Wallet në Nexus 7 do të duhej të vinte sa më shpejtë, dhe në këtë mënyrë të mundësojë pagesat mobile edhe me tablet. / Telegrafi /
