Gorilla Glass në më shumë se 1 miliard pajisje
Corning, në raportin e fundit financiar të të ardhurave të çerekut të tretë të këtij viti deklaroi se produkti i tyre Gorilla Glass përdoret tashmë në më shumë se 1 miliard pajisje. Xhami nga kompania përdoret në telefonat dhe tabletët më të famshëm të kohës së fundit. Gorilla Glass përdoret nga kompanitë si Apple, Nokia, Dell, HP, LG, Sony Lenovo etj., dhe është i dizajnuar që të jetë i fortë dhe rezistues ndaj gërvishtjeve gjë që e ka bërë të dallohet nga prodhuesit e pajisjeve teknologjike.
Kompania gjithashtu foli edhe për xhamin e ri nga kompania Willow Glass, që thuhet se është shumë i hollë dhe fleksibil e që është i dizajnuar të përdoret në pajisjet e ardhshme elektronike.
Willow mund të përmirësoj prodhimin e panelëve LCD dhe OLED dhe të ndërroj formën dhe dizajnin e pajisjeve të ardhshme. /Telegrafi/
