Adobe shfaqi disa risi të cilat mund të priten në Photoshopin e ri CS6. Për fillim, Photoshop CS6 do të ketë ndërfaqen e shfrytëzuesve paksa më të errët (sikurse Lightroomi), e shfrytëzuesit do të kenë mundësinë të vazhdojnë punën derisa sistemi në prapavijë po e ruan projektin, që në rastin e fotografive të mëdha mund të zgjasë për ca kohë.
Mundësia e dytë e demonstruar ka të bëjë me filtrin Liquify, i cili tani ngarkon foton e përzgjedhur momentalisht, ka mundësinë e rregullimit të diametrit më të madh të kistit (mbi 14,000 piksel) dhe ka shkurtesat e tastierës për rregullimin më të thjeshtë të madhësisë. Por risia më e madhe në filtrin e përmendur është përkrahja për GPU akselerimin dhe rezultatet menjëherë të dukshme të aplikimit të Liquify, që gjithsesi do të jetë e mirëseardhur te projektet më të mëdhenj dhe me kërkesat më të larta. Paraqitja zyrtare e Photoshop CS6 pritet gjatë gjysmës së parë të vitit. /Telegrafi/
Portali Telegrafi ka kënaqësinë t'u ofrojë forum të lirë për komente dhe diskutim. Ju lutem respektoni rregullat e portalit. Shih të gjitha rregullat për komentim
