iOS 6 për 24 orë arrin në 15 për qind të pajisjeve
Të mërkurën, Apple ka lëshuar versionin më të ri të sistemit operativ për telefonat mobil, dhe tani sipas Chitika, pas 24 orëve prej lëshimit, sistemi operativ është në 15 për qind të pajisjeve të Apple. Në krahasim me iOS 5, i cili ishte i përdorur në 20 për qind të të gjitha pajisjeve iOS, sistemi i ri është adaptuar shumë më shpejt dhe më mirë se ai i kaluari.
Ndërsa, sistemi operativ i fundit nga Samsung, JellyBean mund të gjendet vetëm në 1.5 për qind të pajisjeve, pas dy muajve të daljes në treg.
iOS 6 vjen me rreth 200 tipare të reja, të cilat përfshijnë ridizajnimin e aplikacionit Maps i cili vjen edhe si zëvendësim i programit të kaluar të Google Maps, aplikacione plotësisht të reja si Passbook, program i cili mundëson ruajtjen e të gjitha biletave, faturave dhe dokumenteve të rëndësishme në një vend, si dhe përmirësimi i aplikacionit Siri, me sugjerime të reja nga zëri robotik.
Sistemi i ri operativ, iOS 6 ka qenë i gatshëm për dizajnuesit me muaj të tërë, por nuk ishte i përfunduar mirë deri javën e kaluar kur ata bën përmirësimin e fundit.
Megjithatë, sistemi operativ duket se ende ka nevojë për përmirësim pasi që prej daljes së tij, kemi dëgjuar ankesa të shumta mbi funskionimin e programit. Duket se duhet të presim deri në një version "të rregulluar" të iOS 6. /Telegrafi/
