Kërkimi për jetë në hapësirë drejtohet tek hënat ekstrasolare

11:55 / 16.01.2013

Rreth 850 planete ekstrasolare janë të njohura nga studiuesit e hapësirës përderisa shumica e tyre janë planete gjigante të gazit, të ngjashëm me Jupiterin.

 Vetëm disa prej tyre kanë sipërfaqe solide dhe sillen rreth yjeve të tyre në zonat potencialisht të banueshme në atë mënyrë që të mund të krijohen kushtet e nevojshme për sipërfaqe ujore.

Në një studim të ri të publikuar në revistën Astrobiology, dy shkencëtar të NASA kanë raportuar se sipas tyre, Hënat e planeteve (exomoons) kanë po të njejtat shansa të jenë të banueshme sa edhe planetet e jashtme (exoplanets).

Kushtet klimatike në hënat ekstrasolare mund të ndryshojnë nga planetet ekstrasolare për shkak se hënat janë të lidhura me planetet e tyre. Ngjashëm me Hënën e Tokës, një hemisferë e tyre është gjithmonë e kthyer drejt planetit.

Përveç kësaj, hënat kanë dy burime të dritës; një nga ylli dhe tjetri nga planeti rreth të cilit sillen duke i bërë të ndjeshëm ndaj eklipseve të cilat do të mund t’ua ndryshoj klimën.

Dy shkencëtarët e NASA, Heller dhe Barnes gjithashtu kanë identifikuar nxerjen baticore si kriter për banueshmëri në hënat e planeteve ekstrasolar.

Megjithatë, nëse Hëna gjendet shumë afër planetit të cilin e orbiton, atëherë nuk do të mund të zhvilloj sipërfaqe ujore.

Preciziteti i teleskopit Kepler të NASA tani bën të mundshëm zbulimin e Hënave dhe planeteve ekstrasolare. Lansuar në vitin 2009, teleskopi i ka mundësuar shkenctarëve të zbulojnë mijëra planete ekstrasolare, kandidat për të qenë të banueshëm. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.