Kometa që po afrohet, mund ta ndriçojë Tokën!?
Një kometë e flakëruar drejt Tokës mund të shkëlqej edhe më shumë se Hëna e plotë kur ajo të kalojë nga planeti jonë në fund të vitit të ardhshëm - në qoftë se mund ta mbijetojë takimin e saj të afërt me diellin, raporton Reuters.
Objekti i zbuluar kohët e fundit, i njohur si kometa ISON, do të fluturojë rreth 1.9 milionë kilometra nga qendra e diellit më 28 nëntor 2013, vlerëson astronomi Donald Yeomans, kreu i Programit Near Earth Object në NASA.
Ndërsa kometa afrohet, ngrohja nga dielli do të avullojë akujt në trupin e saj, duke krijuar atë që mund të jetë një bisht spektakolar i cili do të duket në qiellin e Tokës në mbrëmje edhe pa teleskopë apo edhe dylbi, duke filluar nga tetori 2013 deri në janar të 2014.
Nëse kometa mbijeton atëherë fenomeni ndriçues do të krijohet. Por, nëse ISON thyhet nga rrezatimi i fuqishëm i diellit, atëherë bishti i krijuar nga copëzat e akullit do të dështojë të shihet nga Toka. / Telegrafi /
