LG Nexus 4 lansohet më 29 tetor?
Pas të gjitha lansimeve të javës së fundit, duket se pajisja e re Nexus nga Google do të dal nga LG, dhe do të quhet LG Nexus 4. Sipas gazetës franceze Le Figaro, Google dhe LG zyrtarisht do të lajmërojnë pajisjen e re LG Nexus 4 më 29 tetor dhe thuhet se pajisja do të dal në shitje po të njejtën ditë por dalja pritet të konfirmohet nga dy kompanitë.
LG Nexus 4 thuhet të ketë tipare të ngjashme me LG Optimus G, dhe do të përfshijë procesorin Snapdragon quad core, 2gb RAM memorie dhe ekran TrueHD me rezolucion 1280x768.
Specifikat tjera thuhet të jenë kamera 8 megapiksel dhe hapësirë ruajtëse 8gb ose 16gb dhe kartelë microSD. Ndërkohë, do të ju informojmë posa të kemi lajme mbi datat e lansimit si dhe çmimin e pajisjes. /Telegrafi/
