Microsoft me fushatë kundër Google - Scroogled!
Microsoft përsëri është vënë pas rivalit të saj më të madh, kompanisë Google dhe shërbimit të saj të emailave, për të cilin thotë se skenon çdo fjalë të çdo emaili që ne dërgojmë nga email-adresat tona elektronike.
"Google fiton të holla duke shkelur privatësinë tuaj. Ata lexojnë çdo fjalë të Gmail-it tuaj personal në mënyrë që të ju targetojnë me reklama. Çdo fjalë të çdo emaili. Edhe ato më privatet” thuhet në peticionin e fushatës së Microsoft, të cilën kompania e ka quajtur Scroogled! (si shkurtesë për screwed + googled).
Natyrisht se qëllimi i fushatës dhe peticionit kundër Google është natyrisht rikthimi i përdoruesve kah programet dhe shërbimet e saj, e posaçërisht kah motori i saj i kërkimit Bing, i cili nuk po arrin të marrë pjesë të rëndësishme të tregut të kërkimeve online.
Megjithatë, ajo që Microsoft nuk po e thotë është se edhe shërbimi i saj i emailave Outlook.com gjithashtu skanon titujt e emailave të përdoruesve për të mundësuar shfaqjen e reklamave, dhe në bazë të asaj që ata shkruajnë të shfaq reklamat e klientëve të saj. / Telegrafi /
