Nintendo vjen me Wii U

10:04 / 19.11.2012

Wii U më në fund ka arritur në tregun amerikan nga Nintendo, të dielën në mesnatë. Ofertat për konsolën e re të kompanisë duket se ende janë të vogla në sasi, megjithatë Wii U është parë tashmë në disa prej shitësve lokal ku klientët kanë mundur të blejnë pajisjen pa pasur nevojë për kontratë me para-porositje.

Wii U vjen me karakteristika të ndryshme të cilat shkarkohen në konsolë automatikisht pas instalimit të saj.

Disa nga këto karakteristika janë: eShop, Miiverse dhe shfletuesi i internetit.

Konsola gjithashtu posedon GamePad me të cilin mund të kontrollohet loja që jeni duke luajtur. Prej lajmeve të ndryshme për Wii U, konsolën e re të Nintendos kemi parë disa raporte ku thuhet se përdoruesit kanë problem me mbushjen me bateri të GamePad-it dhe ndërfaqe jo të shpejtë.

Ndërsa, nga ana grafike e konsolës duket se nuk ka risi të shumta në krahasim me Xbox 360 dhe PlayStation 3. Megjithatë, për detaje më të hollësishme rreth Wii U duhet të presim për të parë se si kjo konsolë do të mirëpritet pas promovimit të saj. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.