Nokia shet 4.4 milionë modele të telefonave Lumia

16:02 / 10.01.2013

Me sa duket gjërat janë duke ecur mirë për kompaninë më të njohur finlandeze, prodhuesin e telefonave mobil Nokia. Kjo, pasi që Nokia ka zbuluar shifrat e shitjeve për telefonat e saj të mençur të cilët bazohen në Windows Phone.

Sipas njoftimit zyrtar të kompanisë, Nokia ka arritur që në tre muajt e fundit të vitit 2012 të shesë 4.4 milionë njësi të telefonave Nokia Lumia Windows Phone, nga totali i gjithmbarshëm prej 15.9 milionë telefona të mençur.

Sasia e mbetur e këtyre telefonave përfshin edhe modelet që bazohen në sistemin oeprativ Symbian (2.3 milionë) dhe Asha (9.3 milionë).

Për dallim nga tremujorët e tjerë të vitit kur Nokia kishte gjeneruar humbje në biznes, në këtë fundit është kthjellur, duke marrë parasysh se profiti i saj ka qenë i përafërt me 2 për qind. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.