Reklamat e Google së shpejti në faqet e Yahoo!

16:44 / 7.02.2013

Sipas disa burimeve jo-zyrtare të cilat më pas u konfirmuan nga një postim në blogun e Yahoo-së, thuhet se Google do të fillojë me publikimin e disa reklamave të programit të saj AdSense në faqet e Yahoo-së.

Me këtë, Yahoo do të shndërrohet njëri ndër shumë rrjetet e reklamimit të Google, në të cilat Google i shfaq reklamat e klientëve të saj.

Më saktësisht, kjo do të thotë se raporti që Google do të krijojë me Yahoo do të jetë i ngjashëm me atë që motori i kërkimit e ka me faqet tjera, të cilat publikojnë përmbajtje online.

Kjo marrëveshje do t’i jap mundësi Yahoo-së që t’i shesë një pjesë të vizitave të saj, ndërsa Google përfshin disa reklama të vogla në emër të reklamuesve. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.