Safari, kryeson tregun e shfletuesve mobil

16:23 / 3.04.2013

Safari përsëri ka marrë një pjesë të tregut të cilën e kishte humbur nga rivalët e saj kryesor kohëve të fundit.

Shfletuesi mobil i Apple është rritur për 6 për qind me trafik në ueb gjatë muajit të fundit, thuhet sipas përcjellësit të njohur të trafikut, Net Applications.

Shfletuesi i sistemit operativ të Apple, iOS, gjatë muajit mars ka marrë 61.79 për qind nga totali i trafikut të shfletuesve mobil, duke u rritur ndjeshëm nga 55.4 për qind sa kishte në shkurt të këtij viti.

Me këtë përqindje, Safari është konfirmuar si lider i tregut të shfletuesve mobil, i përcjell nga Android me 21.86 për qind të tregut, dhe Opera Mini, që mban 8.4 për qind të tregut.

Ndërsa edhe kur bëhet fjalë për versionet e shfletuesve të internetit nga pajisjet mobile, Safari 6.0 udhëheq me 38.5 për qind, i ndjekur nga Android 4.0, i cili është në vendin e dytë me 21.5 për qind./Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.