Samsung për tre muaj fiton 8.3 miliardë dollarë

13:44 / 9.01.2013

Samsung ka pasur një vit të shkëlqyer gjatë tërë vitit 2012, ndërsa tabletët dhe telefonat e saj të mençur të linjës Galaxy janë kontribuesit kryesor të suksesit.

Me rritjen e popullaritetit të këtyre pajisjeve por edhe shifrat e mahnitshme të shitjeve, Samsung ka thënë se për tremujorin e fundit të vitit 2012, kompania pret fitime rekorde. 

Prodhuesi më i famshëm jug-korean ka parashikuar fitimet e saj për tremujorin e katërt të vitit të kaluar, dhe sipas pritjeve të tyre thuhet se kompania do të mbyll vitin e kaluar me 8.3 miliardë dollarë në profit.

Rezultatet e saj financiare, Samsung do t’i bëjë publike më 25 janar 2013, dhe përveç fitime dhe qarkullimit për tre muajt e fundit të vitit, kompania me siguri se do të publikojë edhe shifrat e shitjeve për secilën pajisje që ajo sot ofron në treg, çoftë tablet, fablet apo telefon të mençur mobil.

Me prezantimin e Samsung Galaxy 4, i cili pritet të ndodhë gjatë muajit maj, pritet që fitimet e Samsung të jenë edhe më të mëdha sesa ato të vitit paraprak. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.