Samsung përgatitet për lansimin e Galaxy Camera

9:34 / 2.05.2013

Me sa duket, Samsung nuk po mjaftohet me linjën e saj të telefonave të mençur Galaxy, pasi që tani prodhuesi jug-korean është duke përgatitur edhe kamerën e re të quajtur Samsung Galaxy Camera, e cila tashmë ka marrë certifikimin Bluetooth.

Pajisjia është listuar si telefon mobil, kështu që ka gjasa që modeli i ri i kamerës Android do të ofrojë edhe mundësinë e realizimit të thirrjeve telefonike.

Megjithatë, për momentin Samsung nuk ka dhënë detaje tjera të pajisjes mobile e cila me sa duket do të jetë një kombinim interesant, pikërisht për shkak të funksioneve që do t’i ofrojë për përdoruesit. / Telegrafi /

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.