Samsung planifikon të shesë 100 milionë Galaxy S4

20:53 / 14.02.2013

Samsung ka pasur një sukses të jashtëzakonshëm me Galaxy S3, model të cilin besohet se prodhuesi ka arritur në 60 milionë njësi të shitura, dhe tani sipas një raporti të fundit parashikohet që planet e liderit global në prodhimin e telefonave, Samsung dhe modelit të ri Galaxy S4 ta tejkalojnë edhe këtë shifër.

Sipas analistit të Jeffries & Company, Peter Misek, Samsung planifikon të shesë më shumë se 100 milionë njësi të Samsung Galaxy S4, model të cilin pritet ta zbulojë më 15 mars në ngjarjen tradicionale të kompanisë, Samsung Unpacked. 

 “Shifra enorme për prodhimin e 100 milionëve njësive të Samsung Galaxy S4 i ka shtyer disa furnitorë të ndryshojnë strategjinë dhe të drejtohen kah Samsung, në vend të Apple” thuhet sipas Misek. 

Gjatë lansimit fillestar besohet se Samsung Galaxy S4 do të vijë në dy variane, përkatësisht me Samsung Galaxy S4 dhe versionin më të vogël Samsung Galaxy S4 Mini. 

Lansimi i të dy modeleve për Evropë pritet të ndodhë mes 15 – 22 prillit, ndërsa në SHBA pritet që debutimi i dy modeleve të ndodhë gjatë majit ose qershorit. / Telegrafi / 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.