Samsung sjell procesorin 8 bërthamor, Exynos 5 Octa

Exynos 5 Octa përmban kapacitet prej 8 bërthamave dhe është procesori i parë që implementon teknologjinë ARM big.LITTLE të bazuar në Cortex-A15 CPU.

Procesori më i ri nga Samsung, Exynos 5 Octa përdor katër  procesor Cortex A15 dhe katër të tjerë Cortex A7. Sipas Samsung, procesori i ri përmban 70 për qind më shumë efikasitet se versioni paraprak katër-bërthamor Exynos.

“Exynos 5 Octa sjell një koncept plotësisht me të sofistikuar në teknologjinë e procesorëve dhe është i dizajnuar për tablet dhe telefona të mençur të shkallës më të lartë.” –ka raportuat Woo.

“Nëse dëshironi të përdorni shumë aplikacione në të njejtën kohë dhe me performancën më të mirë, Exynos 5 Octa është pajisja e duhur”.

Ende nuk ka detaje se kur mund të shohim procesorin Exynos 5 Octa nga Samsung në pajisje telefonike por me thashethemet e fundit për lansimin e Samsung Galaxy S4 në maj, së shpejti mund të dëshmojmë pajisjen e parë me procesor 8 bërthamor. /Telegrafi/