Sony lanson PS4, pa e treguar dizajnin e konsolës

16:08 / 21.02.2013

Prodhuesi i konsolës më të famshme të lojërave, PlayStation, kompania Sony dje ka prezantuar gjeneratën e katërt të konsolës së saj – PlayStation 4, për të cilën ka thënë se do të fillojë të shitet gjatë festave të fundvitit.

Gjiganti i pajisjeve elektronike e ka prezantuar konsolën e re – PS4, mirëpo përveç fotografive të lojërave të ndryshme, kompania ka zbuluar shumë pak për dizajnin e vetë konsolës.

Edhe pse ende nuk dihet se sa do të kushtojë, apo si do të duket, Sony ka konfirmuar se fillimi i shitjeve do të jetë gjatë festave të fundvitit.

Gjithashtu, kompania ka publikuar të dhënat e shitjeve për PS3, konsolë të cilën e ka shitur në 70 milionë kopje. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.