Sony prezanton modelin Xperia Tipo (Foto)
Bashkë me lansimin e modelit të ri të telefonit. Xperia Miro, Sony gjithashtu ka prezantuar edhe modelin tjetër të telefonit Android, Sony Xperia Tipo, i cili në treg do të paraqitet me versionin e ri të sistemit operativ të Google, Android 4.0 Ice Cream Sandwich.
Sony Xperia Tipo posedon ekranin e ndjeshëm në prekje me 3.2 inç, me rezolucion prej 480 x 320 piksel, si dhe procesorin 800MHz Qualcomm Snapdragon.
Karakteristikat tjera të Sony Xperia Tipo përfshijnë edhe kamerën me 3.2 mega-piksel me zmadhim digjital si dhe Bluetooth, WiFi, baterinë me 1500mAh, ndërsa ky model vjen në treg me ngjyrë të kaltër dhe të zezë.
Çmimi për Sony Xperia Tipo ende nuk është bërë i ditur. / Telegrafi /
