Thirrjet telefonike brenda Gmail mbesin pa pagesë
Disa mund ta llogarisin si dhuratë për Vitin e Ri faktin se shërbimi i VoIP i kompanisë Google është pa pagesë për të gjitha thirrjet brenda SHBA-së dhe Kanadasë.Lajmi është bërë i ditur në blogun zyrtar të Google, ku thuhet se ky është viti i tretë me radhë që Google e ofron shërbimin e thirrjeve telefonike falas për SHBA dhe Kanada, të integruar në Gmail.
Natyrisht se shumica më shumë e pëlqejnë idenë e Google për kabina telefonike nëpër qytet, mirëpo shërbimi pa pagesë nuk mund ta hidhërojë askend. Ndërsa, ne të tjerët shpresojmë që një gjë e tillë të bëhet e mundur edhe për tregun tonë.
A mendoni se keni nevojë për thirrjet pa pagesë të ofruara nga Google, apo mjaftoheni me shërbimet e ngjashme si Viber, WhatsApp e Tango?
