YouTube mbyllet përkohësisht!

13:22 / 1.04.2013

Për shakatë e 1 prillit, YouTube është përgatitur një ditë më parë duke lëshuar një video e cila titullohet “YouTube është e gatshme ta përzgjedh fituesin”.

Në videon e lëshuar nga shërbimi më i famshëm i videove në internet, punëtorët e kompanisë u kanë thënë përdoruesve se deri në mesnatë ata do të pranojnë video në shërbim, dhe pas kësaj periudhe shërbimi do të mbyllet përfundimisht, dhe më pas më nuk do të pranojë ngarkime të reja të përmbajtjes. 

Thirrja e punëtorëve të YouTube ka për qëllim përzgjedhjen e videos më të mirë në shërbim, e cila do të publikohet në vitin 2023, kur YouTube sërish do të fillojë funksionimin e saj. Dhe shpërblimi për fituesin do të jetë një MP3 player dhe 500 dollarë.

Edhe pse video e lëshuar nga YouTube është përplot me njerëz të famshëm, përdoruesit e shërbimit përsëri kanë marrë pjesë në lojën e YouTube duke shpresuar se do të fitojnë diçka. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.