0Shares

Mbrëmë rreth orës 19:30, në stacionin e autobusëve në Ferizaj, është therur me thikë F. A. 20 vjeçar nga një fshat i rrethinës.

Të lënduarit i është dhënë ndihma e parë në shërbimin e urgjencës të spitalit të Ferizajt, ndërsa i njëjti, për trajtim të mëtutjeshëm është bartur në QKUK në Prishtinë.

Sipas informacioneve nga Qendra klinike, gjendja shëndetësore e të plagosurit është jashtë rrezikut për jetën, transmeton Koha.net.

Nga policia raportohet se ngjarja ka ndodhur pas një përleshjeje në stacionin e autobusëve ndërmjet viktimës dhe të dyshuarit, (R. R. 20 vjeçar), i cili kishte ikur nga vendi i ngjarjes dhe është në kërkim nga policia.

Sipas dëshmitarëve, i dyshuari dhe viktima edhe më parë ishin përleshur ndërmjet veti. Me urdhër të prokurorit, rastin është duke e hetuar Njësiti rajonal i hetimeve në Ferizaj. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)