0Shares

Në Bruksel së shpejti do të ndodhë raund tjetër dialogu midis delegacioneve të Kosovës e Serbisë.

Koha.net transmeton lajmin e agjencisë Tanjug, sipas të cilës raundi i ri dialogut në kabinetin e Catherine Ashton do t’i kushtohet zbatimit të Marrëveshjes.

Duke iu referuar burimeve diplomatike në Bruksel, kjo agjenci citon ato t’i kenë thënë se “në Bruksel janë të ndërgjegjshëm se çështja e zbatimit të marrëveshjes është shumë e komplikuar sa që nuk mund të zgjidhet në nivel grupesh pune, prandaj është i domosdoshëm vazhdimi i dialogut në nivel të lartë”

Ashton pas mbledhjes së Këshillit të Ministrave të BE-së këtë e konfirmoi në mënyrë të tërthortë.

“U jam ofruar të marrë pjesë jo vetëm në zbatimin e marrëveshjes, por edhe në zhvillimin e marrëdhënieve të ardhshme”, ka deklaruar ajo.

Ende nuk është caktuar data e raundit të ri të këtij dialogu. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)