LAJMI I FUNDIT:

Thaçi: Ilaz Kodra luftoi për lirinë e Kosovës, tash i kemi bashkuar forcat për integrimin e shtetit

Thaçi: Ilaz Kodra luftoi për lirinë e Kosovës, tash i kemi bashkuar forcat për integrimin e shtetit

Presidenti i Kosovës, Hashim Thaçi, sot ka marrë pjesë në akademinë përkujtimore me rastin e 17-vjetorit të rënies së komandantit të Brigadës 114, Ilaz Kodrës.

“Në këtë akademi përkujtimore, presidenti Thaçi tha se Brigada 114 e Fehmi Lladrovcit dhe Ilaz Kodrës ka nxjerrë në pah dy veçori themelore të Ushtrisë Çlirimtare të Kosovës, e cila doli nga vullneti, ideali dhe ëndrra e qytetarëve tanë për liri dhe pavarësi.

Së pari, presidenti Thaçi tha se prijësit e saj ishin sa luftëtarë, aq dhe komandantë dhe sa komandantë aq edhe ushtarë, drejtues dhe organizatorë të luftës për liri”, thuhet në njoftimin për media.

Kurse, së dyti, prijësit e Ushtrisë Çlirimtare, njëjtë sikurse komandanti legjendar Adem Jashari, ranë në ballë të betejave.

“Ushtria Çlirimtare e Kosovës me të drejtë konsiderohet si guerilja më e suksesshme e shekullit njëzet. Sepse populli ynë ishte vetë ushtria”, tha Thaçi.

Sot, kur kujtojmë heroin e Kosovës, Ilaz Kodrën, presidenti Thaçi tha se i bëjmë nderimet më të larta shtetërore dhe institucionale njërit prej luftëtarëve të orëve të para. “Nderojmë të gjithë ata që me vizionin, këmbëngulësinë, vendosmërinë dhe përkushtimin e tyre sakrifikuan jetën e tyre për lirinë e Kosovës. Nderojmë ata që me filozofinë dhe orientimin e drejtë arritën mbështetjen dhe përkrahjen e botës demokratike, të Shteteve të Bashkuara të Amerikës, të BE-së dhe të NATO-s, që Kosova njëherë e përgjithmonë të jetë e lirë, demokratike dhe e pavarur”, tha ai.

Thaçi tha se ka pasur nderin ta njohë dhe të punojë nga afër me komandantin Ilaz Kodra, t’i njoh cilësitë e larta të një veprimtari të heshtur dhe modest në sjellje, por të vendosur, të palodhshëm dhe të pathyeshëm në rrugën e lirisë.

Gjithashtu, presidenti Thaçi tha se muajin që vjen priten lajme të mira për Kosovën dhe qytetarët e saj, dhe se nuk kemi si mos t’i kujtojmë dëshmorët, kur shpallim çdo lajm të mirë për Kosovën.

“E para, presim që Komisioni Evropian ta shpallë datën se kur do të lëvizim të lirë në kontinentin e vjetër, në kontinentin tonë. Është kjo një e arritur me vonesë, por vonesa nuk e zvogëlon të arriturën. Fëmijët e Ilazit dhe fëmijët tanë, më nuk do të ndalen në kufijtë evropianë”, theksoi Thaçi.

E dyta, presidenti Thaçi tha se lajm tjetër i mirë është se vitin e ardhshëm do t’i përcjellim në fakultete 18-vjeçarët e parë që kanë lindur pa e përjetuar luftën, pa përvojën e rëndë dhe tragjike të saj.

“Paramendojeni të dashur familjarë dhe miq të Ilazit, Fehmiu dhe Xhevës se sa shumë kohë ka kaluar nga sakrifica e tyre, por sa e thellë është fitorja e tyre në luftë. Pra, ne tash kemi gjeneratat e para që nuk e përjetuan të keqen, janë të lirë nga urrejtja dhe dyert e tyre po hapen në Evropë si për asnjë gjeneratë tjetër në historinë tonë”, tha Thaçi.

Ndërsa, në fund, presidenti Thaçi i ftoj të gjithë që të punohet së bashku për të rritur vlerën e shtetit dhe krenarinë e qytetarëve me shtetin tonë.

“Të punojmë çdo ditë në përforcimin e sundimit të ligjit, që shteti për të cilën janë flijuar Ilazi, Fehmiu dhe Xheva të jetë shtet i barabartë për të gjithë”, tha presidenti Thaçi.

Pjesë e akademisë përkujtimore për 17-vjetorin e rënies së komandantit Ilaz Kodra ishin edhe Kryetari i Kuvendit, Kadri Veseli, si dhe Kryeministri i Kosovës, Isa Mustafa, nën patronatin e të cilit u organizua edhe kjo akademi përkujtimore./Telegrafi/

cbc3e88e-aaf4-4585-8bb3-931e6440273f

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori