0Shares

Kryeministri i Republikës së Kosovës, Hashim Thaçi në takimin me ambasadoren e sapoemëruar të Republikës së Francës në Kosovë, Maryse Daviet theksoi se mbështetja e Francës për proceset zhvillimore dhe integruese të Kosovës është e një rëndësie të veçantë.

Në takimin e parë njoftues me ambasadoren e re franceze, kryeministri Thaçi, fillimisht e ka uruar ambasadoren për misionin e ri në Republikën e Kosovës, duke vlerësuar lartë bashkëpunimin mes Qeverisë së Kosovës dhe Qeverisë së Francës.

Në kumtesën e Kryeministrisë thuhet se Thaçi e informoi ambasadoren franceze në Kosovë për përkushtimet e Qeverisë së Republikës së Kosovës për përmbushjen e plotë të agjendës evropiane të integrimit, duke theksuar se kjo është agjenda shtetërore e Republikës së Kosovës. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)